refugallos da topografía
Blog de Mercedes Martínez Modroño
Os meus pequenos textos feitos desde un territorio tan partillado que resiste ás topografías, como se non existira nos mapas, paisiño de minifundios que desaparecen coas escalas. Eses lugares refugallos que están porque se viven, porque os vivimos, e rexeitan as simples cartografías. Por iso prefero traducir a cuestión de to be or not to be como estar ou non estar. Por iso este sitio non ten mapa, porque non hai unha ruta senón momentos e deses momentos saen palabras.
domingo, 9 de agosto de 2015
Times, may be. Not us
Era Clint Eastwood con zocos de labrego. Era unha festa e os chancos tiñan a sola de madeira e o trasunto de Clint Eastwood con aires de Lee Van Cleef e alma de Billy the Kid empuñaba unha pistola de fulminantes agardando por unha banda de gaiteiros. Eran dous nenos nacidos no século XXI armando un espantallo con roupa vella, con madeira e palla, era Bob Dylan cantando times are changing, era Feijoo explicando aos gandeiros que a Reny Picot e a Lactalis e a Nestlé, era Pat Garret explicándolle a Billy the Kid que os tempos están mudando, era o crepúsculo e había unha festa na que por primeira vez tiñamos máis frío que calor, eran unhas zocas de labrego pisando sen peso de corpo, con ilusión de palla, na herba seca de Agosto, eran os tractores nas rúas mentres os petardos na festa emulaban os tiros de Clint Eastwood con banda sonora de Enio Morricone detrás das gaitas e era unha aldea, e era resistencia.
sexta-feira, 26 de junho de 2015
Invención de la Paz
Durante
el invierno no dejaron de llegar mendigos que venían de lejos.
Tenían la piel oscura y los pies llagados, y aceptaban la esclavitud
antes que el destierro. Extramuros, las montañas estaban tomadas por
bandas bárbaras que prometían a sus milicianos un paraíso donde no
existiera el dolor.
Un
efluvio de peligros inciertos llegaba a la ciudad. Los muros hervían
de consignas y los alguaciles redoblaban la guardia. Se guisaba el
miedo en todos los cuarteles y se bebía esperanza en todos los
bares, crecía como una fiesta la vocación de resistencia. El Rey
ocupaba sus pabellones de caza, lejos, en los antiguos dominios
africanos.
Ocurrió
en verano. Durante dos días, dos pequeñas avionetas sobrevolaron la
ciudad sin descanso, desde el amanecer hasta el ocaso, lloviéndola
de octavillas de colores. Las octavillas pedían combatientes,
arqueros, soldados de infantería, catapulteros y paracaidistas.
Pagaban bien, ambos sexos. Las puertas de los bares escupían
indignación y rabia, los cuarteles salpimentaban el miedo que
empezaba a estar en su punto.
En
los arrabales de la miseria se leían las octavillas. Cada noche, una
columna sin futuro caminaba en silencio afuera de la ciudad, al
encuentro de las tropas que habían venido de no se sabe dónde. Los
bares callaban. En los cuarteles del Rey sobraban cada vez más
platos.
Algunas
noches se oían fragores de batalla pero estaban lejos, en las
montañas, y a nadie le sangraban las heridas. Cuando cesó la
artillería, comenzó el asedio. Los alguaciles cerraron las puertas:
altas, recias, infranqueables puertas de madera, pero en los
cuarteles no había nadie. En los bares no había nadie. En la plaza
no había nadie, sólo consignas empapelando las fachadas.
A
los dos días, la ciudad se había rendido. La resistencia se redujo
a episodios aislados y triviales, como un suicidio colectivo
orquestado por un grupo radical. Quizá las octavillas habían sido
impresas en China, pero nadie quiso averiguarlo. Reinaba la Paz
luciendo majestuosa su manto de silencio y pedrería, y todos
admiraban su elegancia.
domingo, 14 de julho de 2013
ESTRAPERLO DO PARAÍSO
ESTRAPERLO DO PARAÍSO
Están
os vendedores do paraíso agochados en todas as ribeiras
como
se puidesen agarrarse a cada pola que pasa para vender unha promesa
Apenas
saben do mundo, senón das eivas
Saben
de todas as debilidades e todos os medos
e
ofrecen drogas infinitesimais para vencer a podredume
Non
queren ver nos transeúntes almas senón petos
non
osan pedir máis que aquelo que semella que nos sobra
e
así, como inmisericordes chatarreiros
reflotan
as penas a cambio de espirnos de nós mesmos.
O
estraperlo só funciona cando hai moita necesidade,
cando
de súpeto non podemos vivir a vida aliñada só con aceite e sal
senón
que precisamos sofisticados adubíos para ila levando
Eles
son vendedores de especias, encantadores de serpes, tahúres, timadores
expertos
que ven os ollares que non saben mirar
Eles
prosperan da nosa condición de humanos débiles
de
humanas ínfimas persoas que queren amar e ser amadas.
Eles
recollen a escoria para vendela como ouro e reparten
soños
edulcorados con malas artes
Eles
ofrecen rosas e dan espiñas
para
os narices pequenos que non queren perderse no xardín.
Eles
trafican co medo e viven dos anceios
do
común das formigas cando esquecen
e
queren deixar de ser formigas
Eles
están en todas partes, en todas as pantallas, en todas as estradas.
Son
a cara das múltiples mentiras que pretenden vencer
o
tamaño cósmico de calquera terrícola.
Eles
teñen sempre a chave da porta
que
unha vez aberta deixa ver un corredor
no
que se ve ao fondo outra porta
e
outro estraperlista que sorrí
Eles
sempre teñen altanería para a nosa simpleza
e
argumentos contra a nosa felicidade de andar pola casa
(rascando
o sobaco e rindo dos contos de sempre)
xa
sabes, ese tipo de felicidade que ao contala
parece
sempre pouco interesante.
Eles
están organizados en gremios
e
os gremios en sectores e cadeas
e
mesmo xa se sabe que hai transnacionais
moi
interesadas no asunto.
Así
que teñen ao público edénico
convenientemente
segmentado e ofrecen sempre
aquilo
que o cliente necesita.
Dentro,
pódese prescindir da merda propia
(que
por certo é igual para todo o mundo)
e
vivir como momias evisceradas
recheas
das arelas propias de cada quén
As
momias xa non feden.
Ulen
todas igualiño
segundo
o perfume escollido,
e
xúntanse polo ulido ese
e
fan pandilla.
Eles
colócanse sempre ás portas do paraíso
en
parte para ocultalo e en parte
porque
identificalos como os seus porteiros
é
unha das súas estratexias de márketing
e só recúan ante o embaixador da terra de ninguén,
un tío feo que vai de incógnito,
que non se queixa nunca de nada
e parece ser que entra e sae cando lle peta.
quinta-feira, 20 de outubro de 2011
historia negra
Cando chove cinsa
e o fumo tapa por completo o sol
non temos medo de que arda o que nos rodea
temos medo, sí, medo negro que mancha as casas por dentro
pero temos tamén rabia, impotencia, unha pena enorme
porque non era esta a cinsa no vento da que nós falabamos
era outra
era a cinsa amable que sacamos fría da cociña
a cinsa do noso esforzo cotiá por manter
o monte vivo e o lume aceso
ese lume que non manca,
ese
que agarima ao convidado,
ese
que nos reúne na cociña.
Que aínda nos reúne na cociña
Que no ano 2011 en que o fumo tapou o sol durante dous días
en que chovía cinsa de lumes que non podiamos ver
nese ano 2011 que está marcado pola vergoña
aínda esperamos outra vez reunirnos na cociña.
¿que pensaremos entón do lume,
aquelo que sempre mirabamos con asombro e relixiosidade?
Ao lume quitáronlle o “l” e agora ven pintado
de Unidades Militares de Emerxencia
que chegaron cando xa ardera o impensable.
Non choro polas árbores perdidas.
Choro porque o monte e o ar respirable
non son algo que temos
senón o único que temos.
Eran o único que de verdade tiñamos.
O resto son malabares de ilusións
ao arbitrio de empresas de avaliación de riscos.
País triste, o que ten dúas bandeiras
e unha é a do loito.
Ata cando, Galicia, será o loito
o signo da nosa historia?
e o fumo tapa por completo o sol
non temos medo de que arda o que nos rodea
temos medo, sí, medo negro que mancha as casas por dentro
pero temos tamén rabia, impotencia, unha pena enorme
porque non era esta a cinsa no vento da que nós falabamos
era outra
era a cinsa amable que sacamos fría da cociña
a cinsa do noso esforzo cotiá por manter
o monte vivo e o lume aceso
ese lume que non manca,
ese
que agarima ao convidado,
ese
que nos reúne na cociña.
Que aínda nos reúne na cociña
Que no ano 2011 en que o fumo tapou o sol durante dous días
en que chovía cinsa de lumes que non podiamos ver
nese ano 2011 que está marcado pola vergoña
aínda esperamos outra vez reunirnos na cociña.
¿que pensaremos entón do lume,
aquelo que sempre mirabamos con asombro e relixiosidade?
Ao lume quitáronlle o “l” e agora ven pintado
de Unidades Militares de Emerxencia
que chegaron cando xa ardera o impensable.
Non choro polas árbores perdidas.
Choro porque o monte e o ar respirable
non son algo que temos
senón o único que temos.
Eran o único que de verdade tiñamos.
O resto son malabares de ilusións
ao arbitrio de empresas de avaliación de riscos.
País triste, o que ten dúas bandeiras
e unha é a do loito.
Ata cando, Galicia, será o loito
o signo da nosa historia?
domingo, 9 de outubro de 2011
en defensa da literatura de quiosco
Para empezar, porque no quiosco fíxenme con libros de Cernuda, de Yourcenar, de Cortázar, ata algún de Bukowsky. Para seguir, proque nas librerías caras tamén as editoriais prestixiosas editan bodrios que se venden en palets. Para continuar, porque cando leo a Mortadelo decindo "tengo barruntos de que esto no va a salir bien, jefe", véñenseme á mente os barruntos de Sancho, e porque a Cervantes léronno nas tascas, non esquezamos nunca iso, porque foi prolífico e rexistrou vocablos da rúa e situacións cotiáns como Ibáñez, porque no quiosco, como lugar metafórico da cultura en minúscula e sen engolamento, no quiosco todas e todos soñamos a diario. Porque o quiosco está accesible a todas, por eso eu este ano escribo poemas de quiosco que as nenas entenden. E dicen que bonito! e sen grandes alturas. Gústame escribir poesía de quiosco, ou quizá só sexa quen de escribir como para un quiosco pequeno.
domingo, 25 de setembro de 2011
O val e a montaña (versos para unha bandeira)
Se teño fame de vento,
onde a montaña no presente? Onde o pulmón a ceo aberto?
Alí onde o ollo soña futuros nos cumios que se afastan no ar
as preguntas zoan no vento que fire os ouvidos
e todo está aberto como a luz primeira
todo inconcluso e amplo como un lume que prende
as fronteiras son tan humanas e tan nimias que resultan ridículas,
febles ante o vento que non as respecta.
Alí onde a terra é mais grande que a xente,
onde os ollos saben que non teñen que mirar,
senón decirlle ao corazón que mire.
Se teño fame de vento teño medo da calma
tinxida de espera cega. Cómprenos ser pluma ás veces.
Nutrirse do movemento.
Se teño medo do vento, teño fame de calma
de que non vaia cambiar moito a paisaxe hoxe ou mañán
de que se nos repitan os pataos como metáfora da vida traballosa e reiterada
como unha escada ao ceo horizontal e ubicua,
esa paisaxe de chanzos de xigante que remontan a calma cara o vento.
A ribeira é un castiñeiro que atravesa mudo o tempo
son moitos castiñeiros, é un fractal de castiñeiros que elevan as trabes coma se fosen raíces
son as raíces desta terra expostas á vista de todos
porque saben que na calma
o tempo decorre coma se fora lava, deixando pegadas que non ha repetirse
e non han borrarse,
porque saben que o decorrer do tempo é unha escada horizontal que non leva a ningures,
unha escada que a calma conserva,
unha escada que pousa no chan e é sempre outra e a mesma.
E cada setembro uvas eternas penduran de viñas que se suceden infinitas
no espazo e no tempo da ribeira.
Teño medo quizais de que o vento esborralle as paredes
e borre as pegadas do tempo escritas nas pedras.
Teño medo do vento no inverno cando a ribeira acalma o frío e acubilla.
Ese tempo detido do inverno, o tempo das raíces.
Ese tempo detido do verán, cando a froita madura
Ese tempo que trae a vendima.
onde a montaña no presente? Onde o pulmón a ceo aberto?
Alí onde o ollo soña futuros nos cumios que se afastan no ar
as preguntas zoan no vento que fire os ouvidos
e todo está aberto como a luz primeira
todo inconcluso e amplo como un lume que prende
as fronteiras son tan humanas e tan nimias que resultan ridículas,
febles ante o vento que non as respecta.
Alí onde a terra é mais grande que a xente,
onde os ollos saben que non teñen que mirar,
senón decirlle ao corazón que mire.
Se teño fame de vento teño medo da calma
tinxida de espera cega. Cómprenos ser pluma ás veces.
Nutrirse do movemento.
Se teño medo do vento, teño fame de calma
de que non vaia cambiar moito a paisaxe hoxe ou mañán
de que se nos repitan os pataos como metáfora da vida traballosa e reiterada
como unha escada ao ceo horizontal e ubicua,
esa paisaxe de chanzos de xigante que remontan a calma cara o vento.
A ribeira é un castiñeiro que atravesa mudo o tempo
son moitos castiñeiros, é un fractal de castiñeiros que elevan as trabes coma se fosen raíces
son as raíces desta terra expostas á vista de todos
porque saben que na calma
o tempo decorre coma se fora lava, deixando pegadas que non ha repetirse
e non han borrarse,
porque saben que o decorrer do tempo é unha escada horizontal que non leva a ningures,
unha escada que a calma conserva,
unha escada que pousa no chan e é sempre outra e a mesma.
E cada setembro uvas eternas penduran de viñas que se suceden infinitas
no espazo e no tempo da ribeira.
Teño medo quizais de que o vento esborralle as paredes
e borre as pegadas do tempo escritas nas pedras.
Teño medo do vento no inverno cando a ribeira acalma o frío e acubilla.
Ese tempo detido do inverno, o tempo das raíces.
Ese tempo detido do verán, cando a froita madura
Ese tempo que trae a vendima.
segunda-feira, 2 de maio de 2011
Fotografía aérea dunha colmea
Cada quen mira o que quere mirar
formigas, muros, espellos, flashes publicitarios
escaparates e catálogos, cardiogramas
ríos que non acaban de pasar nunca,
paciencias alleas e inexcrutables,
monos, fotos, isobaras, arte
fogos artificiais, guerras televisadas,
pés, tetas, cús, ollos, prendas,
libros, chakras, landras, respetos,
revistas para que se luzan os exitosos
revistas para exhibir aos fracasados
análises,futbolistas, cultivos bacteriolóxicos
auras, pastillas, arceas, tebeos,
xanelas, follas, estampados, atallos,
AVEs,
cada quen co seu ollo,
cada quen cos seus lentes,
filigranas, ondas, orballo, amañeceres,
arañas, diamantes, encaixes, narices,
hologramas, receitas, rutas, vaixelas,
inflorescencias, amoríos, rescates,
ausencias, empates, rodicios,abellas
formigas, muros, espellos, flashes publicitarios
escaparates e catálogos, cardiogramas
ríos que non acaban de pasar nunca,
paciencias alleas e inexcrutables,
monos, fotos, isobaras, arte
fogos artificiais, guerras televisadas,
pés, tetas, cús, ollos, prendas,
libros, chakras, landras, respetos,
revistas para que se luzan os exitosos
revistas para exhibir aos fracasados
análises,futbolistas, cultivos bacteriolóxicos
auras, pastillas, arceas, tebeos,
xanelas, follas, estampados, atallos,
AVEs,
cada quen co seu ollo,
cada quen cos seus lentes,
filigranas, ondas, orballo, amañeceres,
arañas, diamantes, encaixes, narices,
hologramas, receitas, rutas, vaixelas,
inflorescencias, amoríos, rescates,
ausencias, empates, rodicios,abellas
Subscrever:
Mensagens (Atom)